गारगोटी

खते व कीटकनाशके

शेतकर्‍यांनी कीटकनाशके खरेदी करतांना आणि वापरतांना घ्यावयाची सुरक्षाविषयक काळजी खरेदी करतांना हे करा

- कायदेशीर परवाना असणार्‍या नोंदणीकृत कीटकनाशक डीलरकडूनच कीटकनाशके/जैवकीटकनाशके खरेदी करा.
- दिलेल्या भागात वापरण्यासाठी एक वेळ पुरेल एवढेच कीटकनाशक खरेदी करा.
- कीटकनाशकांच्या पॅकवर/डब्यांवर मान्यतेची लेबल्स नीट पाहून घ्या.
- आवरणावरील बॅच नं., नोंदणी क्रमांक, उत्पादनाची तारीख/अंतिम मुदत इत्‍यादि बाबी तपासा.
- डब्यांत व्यवस्थित पॅक केलेलीच कीटकनाशके खरेदी करा.

खरेदी करतांना हे करु नका

- पदपथावरील/रस्त्याच्या कडेला बसणार्‍या किंवा कायदेशीर परवाना नसणार्‍या व्यक्तीकडून कीटकनाशके खरेदी करु नका.
- संपूर्ण हंगामासाठी मोठ्या प्रमाणात कीटकनाशक खरेदी करू नका.
- मान्यतेची लेबल्स नसलेली कीटकनाशके खरेदी करू नका.
- अंतिम मुदत संपलेली कीटकनाशके कधीही खरेदी करू नका.
- ज्या डब्यांतून/पॅकमधून गळती होत असेल, डब्याचे/पॅकचे आवरण सैल झाले असेल किंवा सीलबंद नसेल तर अशी कीटकनाशके खरेदी करू नका.

साठवणीच्या वेळी हे करा

- कीटकनाशके घराच्या आवारापासून दूर साठवा.
- कीटकनाशके त्यांच्या मूळच्‍या डब्यांतच साठवून ठेवा.
- कीटकनाशके आणि तणनाशके वेगवेगळी साठवून ठेवा.
- जेथे कीटकनाशके साठवली असतील तिथे धोक्याची इशारा निर्देश लावून ठेवा.
- कीटकनाशके लहान मुले आणि इतर पाळीव प्राणी यांच्यापासून दूर साठवून ठेवावीत.
- साठवणीची जागा थेट ऊन आणि पाऊस यांपासून सुरक्षित असावी.

साठवणीच्या वेळी हे करु नका

- कीटकनाशके घराच्‍या परिसरांत साठवू नका. - कीटकनाशके त्यांच्या मूळच्‍या डब्यांखेरीज इतरत्र साठवून ठेऊ नका. - कीटकनाशके आणि तणनाशके एकत्र साठवू नका. - लहान मुलांना साठवणीच्या खोलीत जाऊ देऊ नका. - कीटकनाशके थेट ऊन किंवा पावसात ठेवू नका.

उपकरणांची निवड करताना हे करा

- योग्य प्रकारची साधने निवडा.
- योग्य आकाराच्याच नोझल वापरा.
- कीटकनाशके आणि तणनाशकांसाठी वेगवेगळी फवारणी यंत्रे वापरा.

उपकरणांची निवड करताना हे करु नका

- गळणारी किंवा दोष असणारी साधने वापरू नका. - दोष असणार्‍या/मान्यता नसणार्‍या नोझल वापरू नका. चोंदलेली नोझल्स तोंडाने साफ करू नका. त्याऐवजी फवारणी यंत्राबरोबर असणारे टूथब्रश वापरा. - कधी ही कीटकनाशके आणि तणनाशकांसाठी एकच फवारणी यंत्र वापरू नका.